Скарачэнне колькасці амерыканскіх войскаў у Еўропе з’яўляецца незваротным працэсам, і еўрапейскія краіны павінны быць да гэтага гатовыя, — перакананы адстаўны генерал Войска Польскага, прафесар Акадэміі ваенных мастацтваў у Варшаве Станіслаў Козей.
Паводле яго, ЗША, хутчэй за ўсё, захаваюць свае базы і аэрадромы ў Еўропе, але асноўная адказнасць за бяспеку кантынента будзе паступова пераходзіць да еўрапейцаў.
— Злучаныя Штаты нават запісалі ў сваіх стратэгічных дакументах, што канвенцыйная абарона еўрапейскага кантынента — гэта задача еўрапейскіх дзяржаў. Мы павінны ўспрымаць гэта як факт і адпаведна прымаць у Еўропе адэкватныя захады, напрыклад, узмацняючы еўрапейскі складнік НАТА.
Раней паведамлялася, што ЗША плануюць скараціць кантынгент у Германіі на пяць тысяч вайскоўцаў.
У сваю чаргу прэм’ер Польшчы Дональд Туск заявіў, што ўрад і прэзідэнт будуць супольна працаваць над павелічэннем амерыканскай вайсковай прысутнасці на польскай тэрыторыі.
iar/эж