З ініцыятывы Польшчы сёння быў накіраваны сумесны ліст міністраў да віцэ-прэзідэнта Еўракамісіі, еўракамісара па гандлі Валдзіса Дамброўскіса і еўракамісара па сельскай гаспадарцы Януша Вайцяхоўскага з гэтай нагоды.
У лісце міністры выказваюць меркаванне, што рашэнні, якія ўступілі ў сілу 2 мая 2023 года, могуць апынуцца неэфектыўнымі і недастатковымі.
Яны адзначаюць, што, у адпаведнасці з рэгламентам Камісіі, забарона на імпарт не распаўсюджваецца на тавары, увезеныя на падставе кантрактаў, падпісаных да ўступлення ў сілу гэтага рэгламенту, гэта значыць да 2 мая 2023 года.
Падпісанты ліста звяртаюцца ў тым ліку да Еўракамісіі з просьбай пастаяннага маніторынгу імпарту іншых адчувальных аграхарчовых прадуктаў з Украіны і, пры неабходнасці, хуткага ўвядзення прэвентыўных мер, а таксама карэкціроўкі ўзроўню падтрымкі з улікам фактычных страт і мабілізацыі дадатковых сродкаў.
IAR/вх