Урад прыняў законапраект аб чатырнаццатай пенсіі, увёўшы гэтую надбаўку на пастаяннай аснове. Міністр сям'і і сацыяльнай палітыкі Марлена Малёнг патлумачыла, што дапамога будзе выплачвацца перыядычна.
«Гэтая дапамога будзе выплачвацца не менш, чым на ўзроўні мінімальнай пенсіі. Мы ўводзім пэўны даходны крытэрый, каб у першую чаргу накіраваць гэтую падтрымку тым людзям, якія ў ёй найбольш маюць патрэбу, гэта значыць людзям з самай малой пенсіяй», – патлумачыла Марлена Малёнг.
Поўную суму «чатырнаццатай пенсіі» у памеры мінімальнай пенсіі атрымаюць асобы, чыя пэнсія па ўзросту або па інваліднасці не перавышае 2900 злотых брута ($690). У астатніх «чатырнаццатка» будзе паменшана на суму, якая перавышае 2900 злотых.
Мяркуецца, што поўную суму пенсійнай дабаўкі атрымаюць 7 мільёнаў польскіх пенсіянераў.
яс/IAR
