Ва Украіне працуе амаль 600 польскіх фірмаў, а каля 2 000-2 500 – цікавяцца згаданым рынкам. З учарашняга дня польская эканамічная місія наведвае Львоў і Луцк. У складзе дэлегацыі – акрамя прадстаўнікоў ураду і бізнесу, таксама прадстаўнікі польскіх кампаній.
Дырэктар па гандлёвых справах кампаніі Budimex Марэк Грамашэк(Marek Gromaszek) кажа, што ўкраінскі рынак вельмі перспектыўны:
- Budimex ужо раней быў прысутны на ўкраінскім рынку і хоча на гэты рынак вярнуцца. Сёння мэр Садовы гаварыў, што зараз прыярытэт – гэта транспартныя шляхі, а Budumex спецыялізуецца ў дарожным, чыгуначным і прамысловым будаўніцтве.
Польшча – першы гандлёвы партнёр Украіны. Нагадваем, паводле агульных ацэнак, аднаўленне Украіны будзе каштаваць, як мінімум, 411 мільярдаў долараў.
IAR/аз