Спрацавалі як польскія сістэмы, так і сістэмы нашых саюзнікаў – міністр абароны пра расійскую ракету ў паветранай прасторы Польшчы

Уладзіслаў Касіняк-Камыш адзначыў «зладжанае супрацоўніцтва» і абмен інфармацыяй паміж урадам і прэзідэнтам Польшчы.

Віцэ-прэм'ер і міністр абароны Польшчы Уладзіслаў Касіняк-Камыш (справа) і начальнік Генеральнага штабу Войска Польскага генерал Веслаў Кукула

PAP/Piotr Nowak

Віцэ-прэм'ер і міністр абароны Польшчы Уладзіслаў Касіняк-Камыш заявіў, што пасля зʼяўлення расійскай ракеты ў паветранай прасторы краіны былі прадпрынятыя ўсе неабходныя меры.

Па выніках нарады па гэтым пытанні, якая адбылася ў Бюро нацыянальнай бяспекі па ініцыятыве прэзідэнта Польшчы, Касіняк-Камыш заявіў, што сістэмы абароны спрацавалі належным чынам.

«Усе дзеянні, якія былі праведзеныя, былі зробленыя ў адпаведнасці з алгарытмам. Спрацавалі як польскія сістэмы, так і сістэмы нашых саюзнікаў. Мы знаходзімся ў пастаянным кантакце з нашымі саюзнікамі. Усе элементы, звязаныя з бяспекай Польшчы, з працай польскага войска, з грамадзянскім кантролем над войскам і абменам інфармацыяй, дапаўняючы адзін аднаго, спрацавалі вельмі добра», – сказаў кіраўнік Мінабароны.

Уладзіслаў Касіняк-Камыш таксама адзначыў «зладжанае супрацоўніцтва» і абмен інфармацыяй паміж урадам і прэзідэнтам Польшчы.

вс