Гэта тыдзень кантрактаў для польскай зброевай прамысловасці і закупак найсучаснейшага абсталявання – сказаў Уладзіслаў Касіняк-Камыш напярэдадні Дня Войска Польскага. На працягу наступных трох дзён міністэрства заключыла кантракты з урадам ЗША на 96 верталётаў AH-64 Apache, а пазней з айчыннымі пастаўшчыкамі на дадатковыя пускавыя ўстаноўкі сістэмы Patriot і новую разведвальную машыну. Міністр абвясціў, што трансфармацыя польскага войска працягнецца, а вайсковыя выдаткі ў наступным годзе будуць большымі, чым сёлета.
Пры канцы тыдня кіраўнік Мінабароны зноў запэўніў, што выдаткі на абарону ў наступным годзе будуць самымі высокімі ў гісторыі, а таксама паўтарыў абвінавачанне ў тым, што яго папярэднікі недаацанілі выдаткі на кантракты і інфраструктуру, неабходную для новай тэхнікі. «Міністр (Марыюш) Блашчак пакінуў дзіру, не забяспечыўшы сродкі на многія рэчы, і мы павінны гэта кампенсаваць», — сказала Касіняк-Камыш, «Вы атрымалі ў спадчыну ад урада ПіС рэкордны абаронны бюджэт. Ніводзін урад пасля 1989 года не меў такой камфортнай сітуацыі — грошы ёсць і дамоўленасці па кантрактах», — адказаў Блашчак, запэўніўшы, што ў яго не было праблем з атрыманнем сродкаў на абарону ад ураду.
Як паведаміла Міністэрства нацыянальнай абароны, прадстаўляючы вынікі аўдыту ў міністэрстве, недаацэнка папярэднім кіраўніцтвам выдаткаў, звязаных з новымі кантрактамі, запатрабуе да 2035 года прыкладна 140 мільярдаў злотых, у выпадку інфраструктуры — прыкладна 46 мільярдаў злотых.
Сёлетні абаронны бюджэт запланаваны ў памеры 118,14 мільярдаў злотых - гэта 3,1% ВУП, а разам з Фондам падтрымкі ўзброеных сіл выдаткі на абарону складуць амаль 159 мільярдаў злотых - 4,2%. ВУП.
PAP/юл
