Эксперты звяртаюць увагу на тое, што агрэсія Расіі супраць Украіны носіць не толькі ваенны, але і інфармацыйны характар. «Хлуслівыя наратывы, рэальныя наступствы» — так называецца канферэнцыя, якая праходзіць у Варшаве. Мерапрыемства прысвечанае праблеме дэзынфармацыі, накіраванай супраць украінскіх уцекачоў.
— «Расійскія інфармацыйныя атакі на працягу многіх гадоў былі інструментам гібрыднай вайны супраць Украіны», — сказаў Польскаму радыё Каміль Басай з фонду INFO OPS Polska. Ён дадаў, што гэта ўплывае на жыццё ўкраінскіх уцекачоў у Польшчы.
Асноўнымі напрамкамі дэзынфармацыі, за якой мы сочым штодня, з'яўляюцца кампаніі, накіраваныя на дыскрэдытацыю ўкраінцаў. Іх мэта – стварыць негатыўную карціну пра Украіну і ўкраінцаў. У прыватнасці, іх прадстаўляюць як людзей, схільных да злачыннай дзейнасці. Гэта элементы, якія павінны выклікаць пэўныя эмоцыі.
Удзел у канферэнцыі прымаюць эксперты, навукоўцы, актывісты і прадстаўнікі недзяржаўных арганізацый з Польшчы і замежжа.
вс