Грамадзянін Беларусі, які ўчора стварыў небяспечную сітуацыю на трасе S8 у Варшаве, знаходзіцца пад назіраннем у бальніцы. Мужчына спачатку ехаў на дах аўтамабіля, а потым скінуў вопратку і пачаў уцякаць па хуткаснай трасе.
Праверка алкатэстарам паказала, што 38-гадовы беларус быў цвярозы, кажа Паўліна Анышка(Paulina Onyszko) з Варшаўскай паліцыі:
- У сваю чаргу ў шпіталі ў мужчыны ўзялі кроў для праверкі на прысутнасць наркатычных рэчываў у арганізме. На згаданыя вынікі трэба будзе пачакаць, але яны могуць паясніць паводзіны мужчыны.
Паліцыя дапытала ўладальнікаў трох пашкоджаных аўтамабіляў. Аналіз запісаў з месца здарэння дазволіць належным чынам кваліфікаваць учынак, дадае Анышка:
- Была знішчана чужая маёмасць, а гэтае злачынства караецца пазбаўленнем волі на тэрмін да 5 гадоў.
Грамадзяніна Беларусі дапытаюць толькі пасля завяршэння тэрміну назірання ў бальніцы. Мужчына знаходзіцца ў Польшчы легальна.
IAR/аз