Расійскія ўлады выкарыстоўваюць фінансавыя і судовыя рычагі, каб аслабіць апазіцыю. На працягу апошніх тыдняў маскоўскія суды выдаюць прысуды, паводле якіх дзеячы апазіцыі павінны выплачваць кампенсацыі людзям і ўстановам, звязаным з расійскімі ўладамі.
Сёння маскоўскі суд загадаў Фонду барацьбы з карупцыяй Аляксея Навальнага выплаціць кампенсацыю ў памеры 88 мільёнаў рублей, гэта прыкладна 280 тысяч еўра.
Супрацоўнікі Навальнага апублікавалі інфармацыю аб тым, што фірма «Маскоўскі вучань» пастаўляе ў школы пратэрмінаваныя прадукты харчавання. Паводле фонду, уладальнікам фірмы з’яўляецца блізкі знаёмы Уладзіміра Пуціна Яўгеній Прыгожын.
Перад гэтым маскоўскія суды прызналі, што частка лідараў апазіцыі павінны выплаціць высокую кампенсацыю камунальным фірмам і прыватным прадпрымальнікам, якія сцвярджаюць, што аказаліся стратнымі ў выніку арганізацыі нелегальных апазіцыйных дэманстрацый.
Частка расійскіх каментатараў звяртае ўвагу, што рашэнні суду павінны аслабіць апазіцыю і прымусіць лідараў спыніць публічныя выступы на пікетах ці вулічных маршах.
ав