Уладзімір Зяленскі запрасіў Ангелу Меркель паехаць у Бучу

Ангела Меркель паўтарыла сваё рашэнне не прымаць Украіну ў NATO.

Буча

PAP/EPA/MIKHAIL PALINCHAK

Ангела Меркель паўтарае сваё рашэнне не прымаць Украіну ў NATO, паведаміла ў панядзелак агенцтва dpa, якое папрасіла былую канцлер Германіі пракаментаваць крытычныя словы прэзідэнта Украіны Уладзіміра Зяленскага пасля раскрыцця расійскіх ваенных злачынстваў у Бучы.
Пры гэтым падкрэсліваецца, што «былая канцлерка падтрымлівае міжнародныя намаганні па спыненні расійскай агрэсіі ва Украіне».

«У сувязі са зверствамі, выяўленымі ў Бучы і іншых населеных пунктах Украіны, усе намаганні федэральнага ўрада і міжнароднай супольнасці прыняць бок Украіны і пакласці канец варварству і вайне Расіі супраць Украіны маюць поўную падтрымку з боку былой канцлер».

У нядзелю Уладзімір Зяленскі запрасіў Ангелу Меркель і былога прэзідэнта Францыі Нікаля Сарказі паехаць у Бучу і на свае вочы ўбачыць маштабы расійскіх злачынстваў супраць мірнага насельніцтва.

«На саміце 2008 года краіны NATO паабяцалі Украіне сяброўства, але потым адмовіліся ад гэтага з-за Расіі. Мэркель і Сарказі заблакавалі патрабаванні іншых партнёраў па NATO аб хуткім уступленні Украіны», – нагадвае Die Welt.

ав