Я перакананы, што «сітуацыя прынцыпова зменіцца», калі з Захаду прыляцяць знішчальнікі F-16 для ўзмацнення ўкраінскай супрацьпаветранай абароны, - заявіў сакратар Рады нацыянальнай бяспекі і абароны Украіны (РБНіО) Аляксей Данілаў у інтэрв'ю агенцтву Kyodo.
Данілаў таксама сказаў, што дзякуючы знішчальнікам F-16 будзе прасцей вызваліць акупаваныя расіянамі тэрыторыі, але прызнаў, што цяжка прадбачыць час, неабходны, каб выгнаць праціўніка. Ён таксама падкрэсліў, што ні пра якія перамовы аб спыненні агню з Расіяй не можа быць і гаворкі, пакуль Масква не верне акупаваныя тэрыторыі, у тым ліку Крым.
Ён таксама заявіў аб намеры працягваць атакі на расійскую ваенную інфраструктуру, нагадаўшы, што Украіна заключыла нефармальную дамову аб невыкарыстанні пастаўленай Захадам зброі ў нападах на расійскую тэрыторыю. Аднак ён папярэдзіў, што аб'екты вакол Масквы могуць стаць мішэнямі для ўзбраення айчыннай вытворчасці.
Ён таксама заявіў, што «Масква падпарадкавала сябе Кітаю» і спрабуе зблізіцца з ім, каб атрымаць дыпламатычную і эканамічную падтрымку. Ён таксама дадаў, што Масква «страціла сваю незалежнасць і цяпер павінна абапірацца на такія краіны, як Кітай, Паўночная Карэя і Іран».
«Сучасны Гітлер, якога завуць Пуцін, забіў 500 нашых дзяцей», — таксама сказаў Аляксей Данілаў.
Ён таксама заявіў, што спадзяваецца, што міжнародная ўвага і падтрымка Украіны не аслабне з-за эскалацыі канфлікту паміж Ізраілем і ХАМАС: «Нашы кантакты з ЗША і Еўропай ад гэтага не сталі слабейшымі. Супрацоўніцтва працягваецца, і мы кожны дзень атрымліваем дапамогу», — падкрэсліў Данілаў.
PAP/юл