За мінулыя суткі паміж украінскімі войскамі і расійскай арміяй адбылося 73 баявыя сутыкненні, паведамілі ў Генштабе Узброеных сіл Украіны. Расіяне нанеслі чатыры ракетныя і 48 авіяўдараў. Яны таксама здзейснілі 36 артылерыйскіх абстрэлаў. Ёсць загінулыя і параненыя.
Расійскія атакі таксама нанеслі шкоду жылым дамам і грамадзянскай інфраструктуры. Пад артылерыйскі абстрэл патрапілі больш за 120 населеных пунктаў, у тым ліку вакол такіх гарадоў, як Сумы, Харкаў, Луганск і Данецк.
У выніку расійскага нападу на Харкаў пацярпелі, як мінімум, 13 чалавек. Расійскія ракеты ўпалі на цэнтр другога па велічыні горада Украіны. Сярод пацярпелых ёсць журналісты.
Непасрэдныя баі паміж расійскімі і ўкраінскімі войскамі зноў завязаліся пад Аўдзееўкай. У той жа час украінскія ўзброеныя сілы працягваюць контрнаступ пад Херсонам. За мінулыя суткі ўкраінская авіяцыя нанесла 7 авіяўдараў па групоўках расійскіх войскаў і тэхнікі. Ракетныя войскі і артылерыя білі па месцах канцэнтрацыі ворага, а таксама па складах зброі і паліва.
IAR/аз