Вялікабрытанія павялічыць падтрымку Украіны на 617 мільёнаў долараў

Прэм'ер-міністр Вялікабрытаніі Рышы Сунак аб'явіць аб узмацненні ваеннай падтрымкі Украіны

Рышы Сунак

PAP/EPA/JASON ALDEN / POOL

Брытанскі прэм'ер-міністр Рышы Сунак падчас сённяшняга візіту ў Польшчу аб'явіць аб павелічэнні ваеннай падтрымкі Украіны на 500 мільёнаў фунтаў стэрлінгаў, або 617 мільёнаў долараў, гаворыцца ў заяве Даўнінг-стрыт.

У заяве брытанскі прэм'ер заявіў, што абарона Украіны ад Расіі надзвычай важная для ўсёй Еўропы. Ён падлічыў, што ў выпадку перамогі Уладзіміра Пуціна ва Украіне ён не спыніцца на польскай мяжы. "Узброеныя сілы Украіны працягваюць адважна змагацца, але ім патрэбная наша падтрымка - і яна ім патрэбна цяпер. Гэты пакет дапаможа гарантаваць, што Украіна мае тое, што ёй трэба, каб змагацца з Расіяй", - сказаў Рышы Сунак.

Падчас візіту ў Варшаву брытанскі прэм'ер сустрэнецца з прэм'ерам Дональдам Тускам і генеральным сакратаром НАТА Енсам Столтэнбергам.

У гэтым фінансавым годзе Вялікабрытанія падтрымае Украіну сумай у 3 мільярды фунтаў стэрлінгаў. Некалькі дзён таму Палата прадстаўнікоў Кангрэсу ЗША ўхваліла пакет дапамогі Украіне на 60 мільярдаў долараў.

ав