Расія нанесла ўдары па заходніх раёнах Украіны

У Днепрапятроўскай, Івана-Франкоўскай і Львоўскай абласьцях вораг атакаваў энергетычную інфраструктуру краіны.

Наступствы расійскага авіяўдару ў раёне Харкава, 26 красавіка 2024 года.

PAP/EPA/SERGEY KOZLOV

Уначы расіяне атакавалі ўкраінскую энергетычную інфраструктуру ў Днепрапятроўскай, Івана-Франкоўскай і Львоўскай абласьцях. Пра гэта паведаміў міністр энергетыкі Украіны Герман Галушэнка. Ён дадаў, што на адным з аб'ектаў пацярпеў кіраўнік змены.

Наступствы нападу ацэньваюцца і ліквідуюцца. Ваенна-паветраныя сілы Украіны раней паведамлялі, што вораг нанёс удары па заходніх раёнах Украіны крылатымі і гіпергукавымі ракетамі «Кінджал».

Жыхароў Стрыя і іншых гарадоў Заходняй Украіны папрасілі адправіцца ў бамбасховішчы. Уначы расійскія ракеты білі, у тым ліку, па Дняпры і Харкаве, дзе адзін чалавек быў паранены. Выбухі таксама прагрымелі ў Цярнопальскай, Хмяльніцкай і Івана-Франкоўскай абласцях.

IAR/Укрінфарм/аз