Украіна просіць паскарэння паставак зброі і дазволу атакаваць аб'екты ў Расіі

Паводле ўкраінцаў, адмена забароны на выкарыстанне заходняй зброі на тэрыторыі Расіі зменшыць баяздольнасці ворага.

Кіраўнік украінскага МЗС Дзмітрый Кулеба

PAP/Tomasz Waszczuk

Кіраўнік украінскага МЗС звярнуўся ў Брусель з просьбай аб дазволе атакаваць аб'екты ў Расіі  заходняй зброяй далёкага дзеяння. Дзмітрый Кулеба лічыць, што забарону ў гэтым выпадку трэба адмяніць:

- Калі нам дазволяць атакаваць, мы істотна зменшым здольнасць Расіі разбураць нашу крытычна важную інфраструктуру і адначасова замацуем нашы сілы на полі бою. Дашліце нам ракеты і дазвольце выкарыстоўваць іх для нападу - я падкрэсліваю - на канкрэтныя і законныя ваенныя мэты на расійскай тэрыторыі.

Зварот украінскага міністра падтрымаў вярхоўны прадстаўнік ЕС па знешняй палітыцы Жазэп Барэль.  Дзмітрый Кулеба таксама звярнуўся да краін ЕС з заклікам паскорыць пастаўкі зброі:

- Гаворка ідзе пра час паміж аб'явай ваеннай дапамогі і яе фактычным аказаннем. Часам гэтыя перапынкі занадта доўгія. Нельга весці ваеннае планаванне, не ведаючы, на што можна  разлічваць на полі бою. Некаторыя сістэмы Patriot былі абяцаныя, але не пастаўленыя. Пачынаецца навучальны год. Мы павінны абараняць нашыя гарады і нашых дзяцей. Таму я заклікаю ўсіх партнёраў, якія зрабілі заявы, паставіць гэтыя сістэмы.

Нагадваем, згаданыя пытанні абмяркоўваюцца падчас сённяшняй нефармальнай сустрэчы кіраўнікоў МЗС Еўрасаюза ў Бруселі, у якой бярэ ўдзел і кіраўнік украінскага МЗС.

IAR/аз