Прэзідэнт Анджэй Дуда і першая лэдзі Агата Карнгаўзер-Дуда накіраваліся з трохдзённым афіцыйным візітам у Арменію. Сярод тэм, якія будуць закранацца: вайна ва Украіне, сітуацыя ў рэгіёне і мірны працэс паміж Арменіяй і Азербайджанам.
Першы дзень візіту будзе прысвечаны сустрэчы з прадстаўнікамі польскай меншасці ў Арменіі. Аўторак стане днём афіцыйных палітычных перамоваў. Польскі лідар спачатку наведае Мемарыяльны комплекс ахвяр генацыду армян, а потым сустрэнецца з прэзідэнтам Арменіі, а таксама прэм'ер-міністрам краіны і спікерам парламента Арменіі.
Важнай тэмай палітычных перамоваў прэзідэнта Дуды будуць двухбаковыя кантакты, асабліва ў галіне эканомікі, а таксама адносінаў паміж Арменіяй і Еўрасаюзам.
Польскі лідар наведае армянскую фондавую біржу, кантрольны пакет акцый якой належыць польскай дзяржаве.
У трэці дзень візіту ў Арменіі прэзідэнт Польшчы плануе наведванню штаб-кватэры грамадзянскай місіі Еўрасаюза ў гэтай краіне, які быў створаны ў рамках супольнай палітыкі бяспекі і абароны, і ў якім працуюць таксама палякі.
IAR/аз