Дональд Туск адзначыў у Бруселі, што Еўропа павінна прадэманстраваць здаровы сэнс, спакой і адказнасць, да чаго будзе заахвочваць Польшча. Польскі прэм'ер-міністр падкрэсліў неабходнасць берагчы адносіны з ЗША, памятаючы пра ўласны гонар. «Каб перад абліччам пагрозы з боку Расіі і кітайскай экспансіі не было сварак паміж саюзнікамі», — дадаў ён.
- Несумненна, Польшча будзе заклікаць кіравацца здаровым сэнсам і быць асцярожным. Аднак неабходна ў голас, выразна сказаць, што ўсе спробы развязаць нейкія войны – мытныя, гандлёвыя – гэта поўнае непаразуменне. Было б парадаксальна, калі б мы, саюзнікі, пачалі весці канфлікты. Магчыма, такая цвёрдая, хоць і сяброўская пазіцыя Еўропы паўплывае на амерыканскую адміністрацыю.
Вярхоўны прадстаўнік ЕС па знешняй палітыцы Кая Калас пацвердзіла, што Брусель рыхтуецца да магчымага ўвядзення пошлін з боку ЗША. Еўрапейская камісія даўно абвясціла, што яна падрыхтавала крызісныя планы і магчымасць крокаў у адказ.
Але ў той жа час ЕС робіць усё, каб гэтага не адбылося. Брусель заяўляе, што гатовы купляць больш амерыканскага звадкаванага прыроднага газу ў ЗША і хоча працаваць з Вашынгтонам, каб адказаць на нярынкавую практыку Кітая. На незаконныя дзеянні ўладаў Пекіна звярнуў увагу і прэзідэнт Дональд Трамп.
IAR/нг