27 лютага ў Егіпце адбудзецца пазачарговы саміт арабскіх дзяржаў, прысвечаны «апошнім сур'ёзным падзеям, якія тычацца палесцінскага пытання», паведамляе ў нядзелю МЗС Егіпта.
Саміт быў скліканы Егіптам па просьбе палесцінцаў пасля кансультацый «на вышэйшым узроўні з арабскімі краінамі, праведзеных у апошнія дні», гаворыцца ў заяве МЗС Егіпта. Міністэрства звязалася, між іншым, з Бахрэйнам, які цяпер старшынюе ў Арабскай лізе.
Міністр замежных спраў Егіпта Бадр Абдэлаці сустрэўся ў пятніцу са сваімі калегамі з Іарданіі, Саудаўскай Аравіі і Аб'яднаных Арабскіх Эміратаў, каб узгадніць агульную пазіцыю, якая адмаўляе любое прымусовае перамяшчэнне палесцінцаў.
Саміт быў скліканы ў той час, калі не сціхаюць галасы асуджэння пасля слоў прэзідэнта ЗША Дональда Трампа аб тым, што ён «захопіць сектар Газа» і створыць там «блізкаўсходнюю рыўеру» пасля перасялення палесцінцаў у іншыя краіны.
ав