Развітацца з жаўнерамі прыйшлі многія жыхары горада. Некаторыя з іх неслі літоўскія і амерыканскія сцягі. «Амерыка нам дапамагае. Я ўвесь тыдзень сачыла за навінамі і не магла сядзець на месцы», — кажа Віда.
У натоўпе перад віленскай катэдрай можна было заўважыць і палякаў. «Шкада, што іх не ўдалося выратаваць. Адзінае, што мы можам зрабіць цяпер, гэта быць тут і выказаць нашу падтрымку», — сказаў Кацпер з Кракава.
Пахавальную працэсію з салдатамі развіталі літоўскія ўлады. Прэзідэнт Гітанас Наўседа ў размове з журналістамі падзякаваў усім, хто ўдзельнічаў у выратавальнай аперацыі, у тым ліку партнёрам з Польшчы і Эстоніі.
«У апошнія дні мы ўбачылі, наколькі важна мець моцных і надзейных саюзнікаў. Іх гатоўнасць быць з намі, побач з гэтым няпростым суседствам, з'яўляецца лепшым доказам таго, хто нашы сябры сёння», - сказаў ён.
Часовы павераны ў справах Польшчы ў Вільні Гжэгаж Познаньскі паведаміў, што ў Літву прыехалі спецыялісты з Польшчы. «Нават яны казалі, што маштабы аварыі былі большыя, чым магчымасць служб. Аперацыя была вельмі складанай, і нават вопытныя вайскоўцы казалі, што ніколі з падобным не сутыкаліся», - адзначыў дыпламат.
Каб выцягнуць тэхніку з балота, неабходна было пракладваць дарогі ў лесе, умацоўваць берагі балота і падвозіць да месца цяжкую тэхніку. Уся акцыя доўжылася тыдзень і завяршылася вечарам у аўторак.
РАР/ав/фота: PAP/Valdemar Doveiko
.