Блэйз Метрэвелі (Blaise Metreweli) прызначана новым кіраўніком брытанскай знешняй разведкі MI6. Яна — першая жанчына на гэтай пасадзе за 116-гадовую гісторыю службы.
Новая дырэктарка брытанскай знешняй разведкі Блэйз Метрэвелі.
47-гадовая Метрэвелі зойме гэтую пасаду восенню, замяніўшы на пасадзе генеральнага дырэктара сэра Рычарда Мура. У цяперашні час яна ўзначальвае аддзел тэхналогій і інавацый MI6 на пасадзе генеральнага дырэктара Q. Яе прызначэнне прэм'ер-міністр Кір Стармер назваў «гістарычным» у той час, калі «праца спецслужбаў важнейшая, чым калі-небудзь».
Новая кіраўніца MI6, выпускніца факультэта антрапалогіі Кембрыджскага ўніверсітэта, мае працяглы досвед працы ў спецслужбах — яна таксама працавала на кіруючых пасадах у MI5, гэта значыць у контрвыведцы, засяроджваючыся ў асноўным на дзейнасці на Блізкім Усходзе і ў Еўропе.
Будучы «С» — кодавае імя кіраўніка MI6, якое бярэ свой пачатак ад заснавальніка службы, капітана Мэнсфілда Камінга, — Метрэвелі будзе падпарадкоўвацца міністру замежных спраў Дэвіду Лэмі і ўваходзіць у склад Камітэта па разведцы ўрада Яго Вялікасці.
Паводле звестак брытанскага ўрада, новая кіраўнік MI6 прыўносіць у службу ўнікальныя кампетэнцыі ў галіне сучасных тэхналогій і разумення глабальных пагроз, у тым ліку дзейнасці Расіі, Кітая, Ірана і Паўночнай Карэі. Сэр Рычард Мур назваў яе «адной з найбольш вядомых у свеце мысліцеляў у галіне тэхналогій і інавацый» і «таленавітай лідаркай».
IAR/нг