Аднак ён запэўніў, што Ізраіль не плануе ствараць там габрэйскія пасяленні.
Мірны план для Сектара Газа, узгоднены ў кастрычніку, прадугледжвае, што ізраільскія войскі будуць паступова выводзіцца з палестынскага анклава, пакуль ён не будзе цалкам пакінуты, і што Ізраіль не будзе ствараць там грамадзянскія пасяленні.
«Мы глыбока ў сектары Газа і ніколі не пакінем увесь сектар Газа. Нічога падобнага не адбудзецца». «Мы там, каб абараняць, каб не дапусціць паўтарэння таго, што здарылася», – сказаў Кац падчас сустрэчы з габрэйскімі пасяленцамі на Заходнім беразе, маючы на ўвазе напад палестынскай групоўкі ХАМАС на Ізраіль 7 кастрычніка 2023 года.
Кац сказаў, што «калі прыйдзе час, мы таксама створым (...) групы «Нахаль», каб замяніць перамешчаныя (ізраільскія – рэд.) абшчыны». «Мы знаходзімся ў часе практычнага суверэнітэту. Тут заяўляюцца магчымасці, якіх даўно не існавала», – падкрэсліў ён.
Як тлумачыць The Jerusalem Post, праграмы «Нахаль», якія рэалізуюцца пад эгідай брыгады «Нахаль» Арміі абароны Ізраіля, спалучаюць грамадскую службу з ваеннай службай і звычайна праводзяцца ў раёнах, дзе ўрад Ізраіля імкнецца да развіцця пасяленняў. Reuters, у сваю чаргу, адзначае, што згадка Каца пра перамешчаныя абшчыны, відаць, адносіцца да вываду Ізраілем усіх яўрэйскіх пасяленняў з Сектара Газа ў 2005 годзе.
Пазней Кац часткова адклікаў свае заўвагі, і ў заяве, накіраванай у СМІ, яго ведамства ўдакладніла, што «ўрад не мае намеру пашыраць пасяленні ў Сектары Газа».
PAP/вх