А 22:00 па мясцовым часе (поўнач у Еўропе) у Ісландыі завершылася галасаванне, на якім ісландцы павінны былі вырашыць, ці аднаўляць перамовы з Еўрапейскім Саюзам адносна членства сваёй краіны ў Супольнасці.
Перамовы былі прыпыненыя ў 2013 годзе, але афіцыйна яны так і не былі спыненыя. Кіроўная кааліцыя з трох партый: сацыял-дэмакратычнага Альянсу, ліберальнай Партыі адраджэння і Народнай партыі падтрымлівае вяртанне за стол перамоваў. Апазіцыя выступае супраць гэтага. Грамадскасць практычна падзеленая па гэтым пытанні.
Як паведамляе AFP, з-за адсутнасці экзіт-полаў можа спатрэбіцца некалькі гадзін, каб вызначыць вынік галасавання «за» ці «супраць».
Згодна з частковымі вынікамі суботняга рэферэндуму ў Ісландыі, прыхільнікі аднаўлення перамоваў аб уступленні сваёй краіны ў Еўрапейскі Саюз маюць невялікую перавагу, паведаміў у нядзелю раніцай ісландскі грамадскі вяшчальнік RUV.
Паводле звестак RUV, з першых падлічаных 87 тысяч галасоў з больш чым 270 тысяч выбарцаў, якія маюць права голасу, 51,2% падтрымалі прапанову ўрада аднавіць перамовы аб далучэнні да ЕС, у той час як 48,8% выказаліся супраць.
Пасля падліку ўсіх галасоў выйшла, што 52,8 працэнта прагаласавалі «супраць», а 47,8 працэнта — «за». Канчатковыя вынікі паведаміла ісландская грамадская тэлекампанія RUV.
Ісландскае грамадства рэзка падзелена па пытанні аднаўлення перамоваў аб далучэнні да ЕС. Ва ўсіх нядаўніх апытаннях прыхільнікі працягу перамоваў захавалі невялікую перавагу. У аўторак у апытанні цэнтру Maskina 51,3% рэспандэнтаў падтрымалі далейшыя перамовы, а 48,7% выказаліся супраць. З іншага боку, апытанне Gallup, апублікаванае ў чацвер, паказала, што вынік можа быць і адваротным — у гэтым апытанні праціўнікі перамоваў атрымалі 51,6%, а прыхільнікі — 48,4%.
PAP/юл