Лідары Чэхіі, Францыі, Венгрыі, Польшчы, Румыніі, Славакіі і Славеніі накіравалі ў Еўрапейскую камісію сумесны ліст аб ролі ядзернай энергетыкі ў клімаце і энергетычнай палітыцы ЕС, піша energetyka24.com.
Сумесны ліст з'яўляецца «тэрміновым заклікам забяспечыць сапраўдныя роўныя ўмовы для ядзернай энергетыкі ў ЕС». Краіны заклікаюць не выключаць гэты від энергетыкі з кліматычнай і энергетычнай палітыкі і стымулаў ЕС, асабліва беручы пад увагу, што палова краін ЕС выкарыстоўвае або развівае ядзерную энергетыку.
Паводле падпісантаў, Еўрапейская камісія павінна зрабіць усё, каб энергетычная і кліматычная палітыка ЕС улічвала ўсе шляхі да кліматычнай нейтральнасці. У гэтым кантэксце ўсе наяўныя і будучыя тэхналогіі з нулявым і нізкім узроўнем вугляроду павінны аднолькава разглядацца ў рамках усіх палітык.
Лідары Чэхіі, Францыі, Венгрыі, Польшчы, Румыніі, Славакіі і Славеніі адзначаюць, што развіццё ядзернага сектара ў ЕС ставіцца пад сумнеў шэрагам дзяржаў-членаў, нягледзячы на яго істотны ўклад у барацьбу са зменамі клімату.
У лісце таксама выказваецца занепакоенасць тым, што права дзяржавы-члена выбіраць паміж рознымі крыніцамі энергіі і вызначаць агульную структуру энергазабеспячэння ў цяперашні час вельмі абмежавана на ўзроўні ЕС, што выключае атамную энергетыку з усё большай колькасці палітык.
ав