Уладзімір Зяленскі гаварыў у японскім парламенце аб хімічнай і ядзернай пагрозе з боку Расіі

Украінскі прэзідэнт папярэдзіў, што дзеянні расійскіх вайскоўцаў у зоне вакол Чарнобыльскай АЭС могуць прывесці да экалагічнай катастрофы.

Прэзідэнт Украіны Уладзімір Зяленскі

PAP/EPA/UKRAINIAN PRESIDENTIAL PRESS SERVICE HANDOUT

Прэзідэнт Украіны Уладзімір Зяленскі ў відэа-выступленні перад японскім парламентам гаварыў аб хімічнай і ядзернай пагрозе з боку Расіі. Ён звярнуўся да японцаў па дапамогу, а таксама з просьбай далучыцца да стварэння новых інстытутаў, якія будуць гарантаваць сусветную бяспеку. Уладзімір Зяленскі папярэдзіў, што існуе рызыка хімічнай атакі з боку Расіі:

- Мы чуем папярэджанні аб магчымых хімічных атаках, у тым ліку аб выкарыстанні баявога атрутнага газу зарын, як гэта было ў Сірыі. Адна з тэмаў, якую зараз абмяркоўваюць палітыкі з усяго свету, гэта пытанне аб тым, як рэагаваць, калі Расія прымяніць ядзерную зброю.

Украінскі прэзідэнт нагадаў, што расійская армія захапіла і абстраляла найбуйнейшую ў Еўропе Запарожскую АЭС. Таксама расіяне захапілі Чарнобыльскую электрастанцыю. Паводле яго, дзеянні расійскіх вайскоўцаў у зоне адчужэння вакол Чарнобыля могуць прывесці да экалагічнай катастрофы.

IAR/аз