З расійскага палону вярнуліся 42 украінскія вайскоўцы і двое мірных жыхароў. Кіраўнік прэзідэнцкага офісу пацвердзіў, што вызваленыя 36 радавых і сяржантаў, у тым ліку памежнікі, вайскоўцы Нацыянальнай гвардыі і маракі.
У сваю чаргу ў камюніке Мінабароны Расіі паведамляюць: «Па выніках перамоўнага працэсу з падкантрольнай Кіеву тэрыторыі вярнуліся 40 расійскіх вайскоўцаў, якім пагражала смяротная небяспека падчас знаходжання ў палоне».
Апошні раз абмен палоннымі паміж бакамі адбыўся 16 красавіка, на Вялікдзень.
На сённяшні дзень з расійскага палону вызваленыя амаль 2,5 тысячы чалавек, паведамляе Каардынацыйны цэнтр Украінскага штабу па справах палонных, у тым ліку крыху больш за сотню мірных жыхароў.
iar/нг