Два мільёны чалавек паміж Вільняй і Талінам узяліся за рукі, каб паказаць сваю незадаволенасць савецкай уладай.
Балтыйскі ланцуг, які ў Літве таксама называюць Балтыйскім шляхам, меў даўжыню больш за 600 кіламетраў. Гісторык Томаш Бажэроцкі з Віленскага ўніверсітэту кажа Польскаму радыё, што гэтая акцыя стала адной з падзей, якія прывялі да аднаўлення незалежнасці балтыйскіх краін.
«Балтыйскі шлях меў на мэце прыцягнуць увагу заходняй грамадскасці да таго, што Літва, Латвія і Эстонія былі незаконна далучаныя да Савецкага Саюза ў адпаведнасці з пактам Молатава-Рыбентропа», — дадае адмысловец.
У сувязі з 35-годдзем Балтыйскага ланцуга ўвечары на віленскай кафедральнай плошчы адбудзецца канцэрт пад назвай «650 кіламетраў свабоды».
ПР/юл
