Аятала Алі Хаменеі сказаў, што Злучаныя Штаты і іх саюзнікі абараняюць бяспеку Ізраіля, каб зрабіць яго варотамі для экспарту блізкаўсходніх энергарэсурсаў на Захад. Пры гэтым ён падкрэсліў, што супраціўленне гэтым дзеянням не сціхне.
«Палітыка, прынятая нашым ворагам, накіравана на тое, каб пасеяць насенне расколу і паўстання, убіць клін паміж усімі мусульманамі. (Наш вораг) такі ж вораг для палестынцаў, ліванцаў, егіпцян і іракцаў, як і для еменцаў і сірыйцаў», — заявіў вярхоўны лідар Ірана.
На яго думку, тэрарыстычная аперацыя ХАМАС 7 кастрычніка была апраўданая ў рамках барацьбы за незалежнасць Палестыны.
«Палестынскі народ мае права абараняць сябе. Каб супрацьстаяць гэтым злачынцам — акупацыйным войскам. Няма ніводнага суда або міжнароднай арганізацыі, якія маглі б абвінаваціць палестынскі народ у тым, што ён проста абараняў сваю радзіму», — сказаў Хаменеі падчас пятнічнай пропаведзі. Таму, на яго думку, любы супраціў Ізраілю апраўданы.
«Вялікая акцыя нашых узброеных сіл некалькі начэй таму была цалкам законнай і апраўданай», — сказаў ён, маючы на ўвазе ракетны ўдар Ірана па Ізраілі 1 кастрычніка. Хаменеі заявіў, што яго краіна не будзе «зацягваць і не спяшацца выконваць свой абавязак» у супрацьстаянні Ізраілю, маючы на ўвазе патэнцыйную рэакцыю Тэль-Авіва на напад Ірана.
PAP/вх