«Расія і Беларусь, або любая іншая краіна, не павінны злоўжываць нашымі каштоўнасцямі, у тым ліку правам на прытулак» — заявілі лідары 27 краін Еўрасаюза ў высновах учорашняга саміту ў Бруселі.
Еўрапейская рада выказала салідарнасць з Польшчай і іншымі краінамі, якія адчуваюць інструменталізацыю міграцыі.
«Выключныя выклікі патрабуюць адпаведных мер», — чытаем у высновах.
Лідары падкрэслілі сваю рашучасць эфектыўна абараняць знешнія межы ЕС, выкарыстоўваючы ўсе магчымыя сродкі ў адпаведнасці з правам ЕС і міжнародным правам.
Старшыня Еўрапейскай камісіі Усрула Фон дэр Ляен таксама выказалася пра польскую міграцыйную стратэгію, якая прадугледжвае часовае тэрытарыяльнае прыпыненне права на прытулак. Фон дэр Ляен падкрэсліла, што ў гэтай сітуацыі гаворка ідзе пра здольнасць ЕС абараніць сябе ад гібрыднай атакі.
«Мы можам часова і належным чынам прыпыніць сістэму прадастаўлення прытулку, каб адказаць на гібрыдную атаку», — сказала яна.
IAR/яс