Прэзідэнт Грузіі просіць Польшчу не прызнаваць грузінскіх уладаў

Польшча можа дапамагчы Грузіі, падтрымліваючы незалежнасць, дэмакратыю і еўрапейскую будучыню краіны, заявіла Саламэ Зурабішвілі.

Прэзідэнт Грузіі Саламэ Зурабішвілі

By Giorgi Abdaladze - Communications Division of the Administration of the President of Georgia, CC BY-SA 4.0, https://commons.wikimedia.org/w/index.php?curid=90656594

 Саламэ Зурабішвілі звярнулася да польскага ўраду з заклікам не прызнаваць цяперашніх уладаў Грузіі. Падчас канферэнцыі ў Вашынгтоне, грузінскі прэзідэнт выказала спадзяванне, што адміністрацыя Дональда Трампа падтрымае празаходнія імкненні грузінскага народу. Тэму працягвае карэспандэнт Польскага Радыё Марэк Валкускі:

- Саламэ Зурабішвілі ўдзельнічала ў інаўгурацыі Дональда Трампа і суправаджальных мерапрыемствах. Пяты прэзідэнт Грузіі, якая ўзначальвае акцыі пратэсту супраць прарасійскіх уладаў краіны, падкрэсліла, што справа тычыцца не толькі дэмакратыі, але і незалежнасці Грузіі. «Аднаўленне ўплыву Расіі будзе азначаць, што незалежнасць застанецца толькі на паперы», - заявіла яна. Саламэ Зурабішвілі выказала надзею, што Дональд Трамп усведамляе, што падтрымка дэмакратычнай Грузіі адпавядае інтарэсам ЗША. Яна таксама падзякавала Польшчы за падтрымку. «На гэтым этапе вельмі важна, каб Польшча не прызнавала незаконнага ўрад Грузіі і працягвала быць вельмі актыўнай на карысць народа Грузіі»,  сказала яна.

Саламэ Зурабішвілі дадала, што Польшча можа дапамагчы Грузіі, падтрымліваючы незалежнасць, дэмакратыю і еўрапейскую будучыню краіны.

Сустрэчу з пятым прэзідэнтам Грузіі ў Вашынгтоне арганізавала грамадскае Польскае радыё і прэстыжная амерыканская штодзёнка The Christian Science Monitor. У канферэнцыі прынялі ўдзел журналісты прэстыжных амерыканскіх СМІ, такіх як CNN і New York Times, а таксама замежныя карэспандэнты з Германіі, Францыі і Японіі.

IAR/аз