Агурковы суп (zupa ogórkowa)
Інгрэдыенты
• квашаныя агуркі з сокам – 500 мл
• цыбуля – 1 шт.
• бульба – 500 г
• морква – 1 шт.
• сельдэрэй – 1 шт.
• корань пятрушкі – 1 шт.
• смятана 18% – 150 г
• свежы кроп
• масла – 50 г
• соль, перац
• сланечнікавы алей для смажкі
• адвар з гародніны альбо вада – 1,5 л
• цукар – 1 сталовая лыжка
Нарэжце сельдэрэй, моркву, пятрушку і цыбулю невялікімі кавалачкамі, а бульбу тоўстымі кубікамі. Абсмажце цыбулю і бульбу ў рондалі на алеі і дадайце масла (гэта дасць дадатковы водар). Пасаліце і паперчыце.
Дадайце сельдэрэй, моркву і пятрушку. Змяшайце і абсмажце гародніну, а потым залійце ў іх ваду або адвар з гародніны. Варыце да моманту, пакуль гародніна не будзе мяккая.
На буйной цёрцы патрыце агуркі разам са скуркай. Абсмажце іх на алеі на моцна разагрэтай патэльні і дадайце ў суп. Дадайце таксама агурковы расол, цукар, соль і перац ды давядзіце да кіпення. Пасля агонь прыкруціце да мінімуму.
Змяшайце ў місцы смятану з некалькімі лыжкамі гарачага супу і вылійце ў рондаль, інтэнсіўна памешваючы. Дадайце дробна парэзаны кроп.
Смачна есці!
Пра агурковы суп раскажуць пастаянны госць студыі Кацярына Адамская і Валеры Саўко.
слухайце аўдыёфайл