Шакшука з перцам і каўбасой
Яйкі – 2 шт.
Памідор – 2 шт.
Папрыка (салодкі перац) – 100 г
Каўбаса – 60 г
Часнык – 2 зубчыкі
Сметанковае масла або аліўкавы алей
Соль, перац, арэгана, базілік, кінза
Падрыхтуем свежыя памідоры: заліваем кіпнем і ачышчаем ад скурак, наразаем кубікамі, або выкарыстоўваем памідоры чэры. На патэльні разаграваем сметанковае масла або аліўкавы алей і абсмажваем дробна нарэзаны часнык. Пасля дадаем папрыку, нарэзаную каўбасу і абсмажваем.
Дадаем памідоры, запраўляем соллю, перцам і спецыямі. Змешваем і інтэнсіўна абсмажваем на моцным агні каля 4 хвілін, ужо без дадатковага памешвання (тады таматны сок хутчэй выпарыцца, а памідоры захаваюць сваю структуру; калі працягваць памешваць – атрымаецца пюрэ).
Разбіваем яйкі на смажаныя памідоры і запраўляем соллю.
Зменшваем агонь, прыкрываем накрыўкаю і яшчэ прыблізна 3 хвіліны смажым, пакуль бялкі не стануць белымі.
Смачна есці!
Падрабязней пра тое, як зрабіць страву, раскажуць Кацярына Адамская і Валеры Саўко.
слухайце аўдыёфайл