Стартавала кампанія «Першыя крокі ў (кібер)свеце»

Два гады – гэта сярэдні ўзрост, у якім дзеці ў Польшчы пачынаюць карыстацца лічбавымі прыладамі.

Здымак мае ілюстрацыйны характар.

mirkosajkov/pixabay.com/CC0 Public Domain

У Польшчы стартавала кампанія «Першыя крокі ў (кібер)свеце», якая вучыць бацькоў бяспечна ўводзіць самых маленькіх дзяцей у свет лічбавых тэхналогій. Ініцыятары кампаніі хочуць звярнуць увагу на тое, што нават дзецям дашкольнага ўзросту бацькі дазваляюць карыстацца лічбавымі прыладамі без нагляду.

Між тым, няправільнае выкарыстанне новых тэхналогій, то бок без апекі бацькоў, у выпадку дзяцей ва ўзросце да шасці гадоў, можа прывесці да цяжкасцяў у канцэнтрацыі ўвагі, наладжванні адносінаў з равеснікамі і ў распазнаванні эмоцый.

Доктар Багуслава Букоўска(Bogusława Bukowska) з Нацыянальнага цэнтра прафілактыкі залежнасцяў адзначае, што дзеці пачынаюць карыстацца лічбавымі прыладамі ўжо з двухгадовага ўзросту:

- Больш за 50% дзяцей, якім не больш за 6 гадоў, карыстаецца лічбавымі прыладамі ў сярэднім гадзіну ў дзень. Сярэдні ўзрост, у якім дзеці пачынаюць карыстацца такімі прыладамі – гэта крыху больш за два гады.

Эксперты рэкамендуюць «лічбавую дыету», то бок яны раяць не даваць лічбавых прыладаў дзецям ва ўзросце да 2 гадоў, сумесна выкарыстоўваць гэтыя прылады, адаптаваць кантэнт да ўзросту і цягам дня ўводзіць час без тэлефонаў.

Ініцыятарам кампаніі з’яўляецца Нацыянальны цэнтр прафілактыкі залежнасцяў. Праграму рэалізуе яе Фонд «Побач схемы». Акцыя будзе працягвацца да канца 2023 года.

IAR/аз