Традыцыйна ён супадае з царкоўным святам Стрэчання Гасподняга. Свята Стрэчання Гасподняга нагадвае пра тое, што праз сорак дзён пасля нараджэння Хрыстос быў упершыню прынесены ў святыню. Абвяшчэнне свята моладзі ў гэты дзень азначае яго сімвалічнае ўваходжанне ў праваслаўную супольнасць.
З нагоды Дня моладзі царкоўныя моладзевыя арганізацыі ў Польшчы на выходных зладзілі шэраг мерапрыемстваў і сустрэч.
Намеснік старшыні польскага Брацтва праваслаўнай моладзі Рыгор Гарбуз расказвае, што святкаванні дня моладзі праходзяць з 1991 году:
-Пяць-шэсць гадоў таму мы вырашылі, што святкаванне павінна праходзіць у розных гарадах, не толькі на Беласточчыне, дзе праваслаўных вельмі шмат. У мінулым годзе мы сустракаліся ў Беластоку, але з-за пандэмічнай сітуацыі ўдзел у днях моладзі магло прыняць толькі 150 чалавек. Сёлета ў Варшавы прыехала 340 чалавек з Польшчы і 50 з-за мяжы.
Акрамя супольных малітваў праваслаўная моладзь у розных куткоў краіны мела не адну магчымасць пазнаёміцца і супольна правесці час. Былі вогнішча, выступы беларускага гурту «Жэмэрва», грузінскага хору, польска-ўкраіснкага гурту «Enej». Моладзь з Беластока падрыхтавала тэатральную пастаноўку пра падзеі ў праваслаўных вёсках пасля вайны, калі адбываўся пагром беларускіх праваслаўных вёсак. Былі зладжаныя экскурсіі ў розныя музеі Варшавы.
Праводзіліся сустрэчы са святарамі. Кульмінацыяй стала нядзельная літургія ў новай царкве Hagia Sophia.
Міжнародны дзень праваслаўнай моладзі быў заснаваны ў 1992 годзе кіраўніцтвам Syndesmos – найбуйнейшай у свеце федэрацыі праваслаўных брацтваў і духоўных школ.
Syndesmos, які абвясціў свята праваслаўнай моладзі, быў заснаваны ў 1953 годзе. Гэта найбуйнейшая праваслаўная арганізацыя і адна з найбуйнейшых хрысціянскіх моладзевых арганізацый у свеце. Яна аб'ядноўвае больш за 120 праваслаўных моладзевых арганізацый і духоўных школ з дзясяткаў краін. Арганізацыя працуе над інтэграцыяй моладзі з розных краін, напр. арганізацыя сустрэч, трэнінгаў, канферэнцый і лагераў.
У Польшчы ў Syndesmos уваходзяць: Брацтва праваслаўнай моладзі і Вышэйшая праваслаўная духоўная семінарыя ў Варшаве.
ав
Поўная размова з Рыгорам Гарбузам - у далучаным гукавым файле.