Інгрэдыенты
1 галоўка маладой капусты
700 г свінога фаршу
100 г сырой пярлоўкі
1 вялікая цыбуля
1 сталовая лыжка соевага соусу або бальзамічнага воцату
соль, перац
1 чайная лыжка сушанага маярану і арэгана
Соус
1,5 л булёну
500 мл таматнага пюрэ альбо пасты
3 сталовыя лыжкі мукі
1 чайная лыжка салодкага перцу
1/3 чайнай лыжкі молатага чорнага перцу
1 чайная лыжка арэгана
4 сталовыя лыжкі смятаны
1 сталовая лыжка кропу
Падрыхтоўка
Зварыце пярлоўку ў злёгку падсоленай вадзе - прыкладна 25 хвілін пад крышкай. Палажыце мяса ў вялікую міску, пазней дадайце астуджаныя крупы.
Цыбулю ачысціце, натрыце на дробнай тарцы і таксама дадайце ў фарш. Затым - соевы соус або бальзамічны воцат, соль па смаку, перац, арэгана і маяран. Усё добра перамяшайце.
Выражце з капусты сярэдзіну, затым пакладзіце яе ў вялікі рондаль з кіпячай вадой зрэзам уніз, варыце каля 7 хвілін на сярэднім агні, потым перавярніце і варыце яшчэ 2-3 хвіліны.
Дастаньце капусту з кіпеню і астудзіце. Ачысціце капусту ад лісця, акуратна зрэжце грубыя фрагменты з кожнага ліста, затым дадайце мяса і скруціце галубцы.
Высцеліце дно вялікага і пажадана шырокага рондалю некалькімі лістамі капусты, зверху пакладзіце галубцы.
У іншым рондалі закіпяціце булён, а пасля заліце ім галубцы. Пастаўце на газ, накрыйце крышкай і варыце каля 25-30 хвілін, пакуль капуста не стане мяккай.
Пераліце вадкасць з галубцоў у іншы рондаль. Дадайце таматнае пюрэ і муку, папярэдне змяшаную з некалькімі сталовымі лыжкамі халоднай вады. Давядзіце да кіпення, запраўце соллю, перцам, салодкім перцам і сушаным арэгана. Варыце 5 хвілін, а пасля паступова па лыжцы дадавайце смятану. Пераліце ўсё ў рондаль з галубцамі і варыце каля 10 хвілін без крышкі на слабым агні. У канцы дадайце кроп.
Смачна есці!
Падрабязней пра тое, як прыгатаваць страву, раскажуць Кацярына Адамская і Валеры Саўко.
слухайце аўдыёфайл
на відэа: адзін з варыянтаў галубцоў з пярлоўкай
