Інгрэдыенты
гарбузовае пюрэ - 500 г
цукровая пудра - 20 г
яйка - 1 шт.
крухмал - 90 г
мука пшанічная - 150 г
карыца - 0,5 чайнай лыжкі
соль
Дадаткова для падачы на стол
чарніцы
цукровая пудра
карыца
свежая мята
ёгурт
Прыгатаванне
Гарбуз памыйце і разрэжце напалову. Палажыце палоўкі гарбуза на бляху, засланую пергаментам. Выпякайце каля 30-40 хвілін у духоўцы, разагрэтай да 150°C. Запечаны гарбуз пакіньце астываць. Пазней яго разатрыце або пратрыце праз сіта, пакуль не атрымаеце аднародную гладкую кансістэнцыю.
У міску насыпце пшанічную муку. Дадайце гарбузовае пюрэ, цукровую пудру, карыцу і соль. Перамяшайце. Дадайце крухмал і перамяшайце. Пазней - яйка і зноў перамяшайце. Замясіце цеста - спачатку ў місцы, а потым на пасыпанай мукой стальніцы. Калі цеста атрымаецца не асабліва густым, дадайце пшанічную муку і крухмал у роўных прапорцыях, а затым зноў замясіце цеста да атрымання пластычнай аднароднай масы. Пры неабходнасці паўтарыце працэс.
Затым цеста падзяліце на чатыры роўныя часткі. З кожнай часткі сфармуйце рулет на стальніцы, пасыпанай мукой. Адрэжце кавалачкі шырынёй каля 1 см і сфармуйце з іх кружкі з адтулінай пасярэдзіне.
Варыце клёцкі прыкладна 3-5 хвілін, час ад часу асцярожна памешваючы. Калі яны ўсплывуць, дастаньце на талерку. Падавайце з натуральным ёгуртам. Зверху пасыпце цукровай пудрай і карыцай, упрыгожце мятай.
Смачна есці!
Падрабязней пра тое, як прыгатаваць страву, раскажуць Кацярына Адамская і Валеры Саўко.
слухайце аўдыёфайл
