Інгрэдыенты
корань салеры (прыблізна 350 г)
1 яблык
2 сталовыя лыжкі сушаных журавінаў
2 сталовыя лыжкі лімоннага соку
жменя грэцкіх арэхаў
4 сталовыя лыжкі натуральнага ёгурту
чорны перац
соль
Ачысціце салеру і яблык ды натрыце на буйнай тарцы. Паліце лімонным сокам і старанна перамяшайце. Лімонны сок дапаможа салеры і яблыку захаваць свой прыгожы колер.
Кіньце грэцкія арэхі на сухую гарачую патэльню. Падсмажце на сярэднім агні, часта памешваючы, пакуль арэхі не пачнуць падрумяньвацца. Арэхі астудзіце, а затым нарэжце іх на меншыя кавалачкі і дадайце да астатніх інгрэдыентаў разам з журавінамі.
Перамяшайце ўсе складнікі, запраўце ёгуртам, соллю і перцам ды зноў перамяшайце. Можна падаваць на стол!
Смачна есці!
Падрабязней пра тое, як прыгатаваць страву, раскажуць Кацярына Адамская і Валеры Саўко.
слухайце аўдыёфайл