У дэманстрацыі прынялі ўдзел іспанскія семʼі, якія жывуць на Маёрцы, мясцовыя актывісты, а таксама прадстаўнікі розных грамадскіх арганізацый. Дэманстранты падкрэслівалі, што не маюць нічога супраць турыстаў, але іх колькасць трэба кантраляваць, інакш востраў будзе знішчаны.
«Прыйшоў час скончыць з гэтым»
Пратэстоўцы звярнулі ўвагу на знішчэнне мясцовай прыроды і рэзкае падаражанне жыцця. Людзі неслі транспаранты з надпісамі: «Вяртайцеся дадому!», «Не разбурайце наш востраў!», «Час спыніцца», «Хто любіць Маёрку, не разбурайце яе» і «Вярніце нам Маёрку!
Некаторыя слоганы падкрэслівалі, што размова ідзе не пра турыстаў, а пра ўстойлівы турызм. «Мы змагаемся не супраць турыстаў, а супраць знішчэння Маёркі», «Мы хочам годнага жыцця!» – можна было прачытаць на наступных транспарантах.
«Масавы турызм ўскладняе жыццё мясцовым жыхарам, якія не могуць дазволіць сабе жыць на ўласным востраве, таму што жыллё для турыстаў павышае цэны. Турысты запаўняюць пляжы і абцяжарваюць грамадскія паслугі летам», – сказаў Пэ Джоан Феменія з Menys Turisme, Mas Vida Reuters у інтэрвʼю (Less Tourism, More Life), якое арганізавала нядзельную акцыю пратэсту на Маёрцы.
Пратэстоўцы прасілі абмежаваць колькасць месцаў для размяшчэння, пазначыць месцы на востраве, куды не будуць пускаць турыстаў, а таксама ўвесці абмежаванне на аўтамабілі, якія не зарэгістраваныя на Маёрцы, але хацелі б заехаць на востраў.
Нядзельны пратэст стаў чарговай дэманстрацыяй супраць масавага турызму ў Пальма-дэ-Маёрка. У апошнія тыдні дэманстрацыі былі арганізаваныя таксама на Тэнэрыфэ, у Барселоне, Севільі, Малазе і Алікантэ.
Балеарскія астравы апынуліся другім па папулярнасці турыстычным рэгіёнам Іспаніі пасля Каталоніі. У 2023 годзе іх наведалі 14,4 млн чалавек. Толькі ў першым квартале 2024 года Іспанію наведалі 16,1 мільёна чалавек, што на 18% больш у параўнанні з папярэднім годам.
Іспанцы пратэстуюць супраць празмернага турызму.
onet.pl/вх
