Санэпідэмстанцыя ў Польшчы ўсё часцей атрымлівае паведамленні аб непрышчэпленых дзецях. Інспектары павінны праверыць 7,5 мільёнаў гісторый вакцынацыі дзяцей і падлеткаў ад нараджэння да дзевятнаццацігадовага ўзросту.
Калі высветліцца, што пацыенту не зроблены ўсе неабходныя прышчэпкі, гэтыя выпадкі будуць падрабязна разбірацца, кажа санітарны інспектар доктар Павел Гжэсёўскі:
– Сам факт кантролю азначае, што да нас стала прыходзіць больш паведамленняў аб непрышчэпленых дзецях з медычных устаноў, якія займаюцца вакцынацыяй. Што само па сабе з'яўляецца плюсам. Па-другое, мы назіраем павышаную цікавасць да прышчэпак з боку сем'яў, якія іх яшчэ не вакцынавалі сваіх дзяцей.
У польскім санэпідзе кажуць, што праверка карт прышчэпак будзе доўжыцца не больш за 3 месяцы. Праверка дакументацыі аб прышчэпках дзяцей ахопіць 10 тысяч медычных устаноў.
Правяраецца вакцынацыя супраць 13 хвароб.
IAR/эж