«Сёння страты Расіі ва Украіне дасягнулі аднаго мільёна забітых і параненых у баях. Мільён страчаных дарэмна — Расія не дасягнула ніводнай стратэгічнай мэты свайго паўнамаштабнага ўварвання. І не дасягнута», — напісаў Сыбіга на платформе X.
Міністр адзначыў, што Украіна не пачынала гэтую вайну і больш за ўсіх хоча яе заканчэння. «Мы адданыя міру. Толькі Расія перашкаджае мірным намаганням, адмаўляецца ад спынення агню і сустрэчы лідараў і робіць усё, каб зацягнуць вайну. Ціск на агрэсара трэба ўзмацніць», — адзначыў ён.
Паводле Сыбігі, расійскае ваеннае камандаванне і палітычнае кіраўніцтва павінны несці адказнасць за варварскую і незаконную агрэсію. «Усе расійскія злачынцы, якія здзейснілі зверствы ва Украіне, павінны быць прыцягнуты да адказнасці», — дадаў ён.
Генеральны штаб Узброеных сіл Украіны ў сваёй штодзённай справаздачы аб сітуацыі на фронце паведаміў, што чалавечыя страты Расіі ў вайне, якую яна вядзе супраць Украіны з лютага 2022 года, перавысілі 1 мільён чалавек. «Агульныя баявыя страты праціўніка з 24 лютага 2022 года па 12 чэрвеня 2025 года склалі прыблізна 1 000 340 чалавек», — паведаміў Генеральны штаб.
На мінулым тыдні амерыканскі Цэнтр стратэгічных і міжнародных даследаванняў (CSIS) падлічыў, што ваенныя страты Расіі неўзабаве дасягнуць аднаго мільёна салдат, у той час як страты Украіны складуць каля 400 000.
PAP/вх