Міністр замежных спраў Польшчы Радаслаў Сікорскі (Radosław Sikorski) знаходзіцца ў Кіеве. Як паведаміла МЗС, візіт працягнецца да нядзелі, 13 верасня. Раніцай міністр Сікорскі апублікаваў фотаздымак, на якім ён знаходзіцца на чыгуначным пероне ў сталіцы Украіны.
— Міністр прыбыў, каб выказаць падтрымку Украіне, якая абараняецца ад агрэсараў, — паведаміў Польскаму радыё прэс-сакратар МЗС Мацей Вевюр (Maciej Wiewiór).
З таго часу, як міністр Сікорскі прыбыў у Кіеў, у горадзе двойчы аб’яўлялі паветраную трывогу.
Ноччу расійскія БПЛА ўдарылі па розных аб'ектах у Кіеве, у тым ліку па жылым доме, што прывяло да пажару. Восем чалавек пацярпелі.
Учора ўвечары (10 верасня) расійскія войскі таксама абстралялі Краматорск ва ўсходняй частцы Украіны. Там пацярпелі 27 чалавек, а жылыя дамы, школы і медыцынская ўстанова атрымалі сур'ёзныя пашкоджанні.
IAR/X/нг