Міхась Шавельскі родам з Гродна, вучыўся ў мясцовым універсітэце на псіхолага, але быў адлічаны пасля пратэстаў 2020 году. Была пагроза ісці ў войска, таму Міхась з'ехаў у Польшчу. Там працягнуў адукацыю, вучыўся на тэолага.
Ад пачатку поўнамаштабнага ўварвання Шавельскі далучыўся да беларускага фармавання ва Украіне – палку Кастуся Каліноўскага. Выконваў функцыі парамедыка.
«Ён поўз да параненага, калі прыляцеў аскепак», – сказаў аб смерці Шавельскага адзін з байцоў.
Міхась меў пазыўны «Юнгер». Пабрацімы кажуць пра яго, як пра вельмі актыўнага і вясёлага чалавека.
Радыё Свабода/нг