Польшча займае другое месца ў ЕС па нізкім узроўні беспрацоўя

Найгорш у Еўрасаюзе сітуацыя выглядае ў Іспаніі, дзе ў верасні беспрацоўе склала 12 працэнтаў, а таксама ў Грэцыі – 10 працэнтаў.

Праца

jarmoluk/pixabay.com/CC0 Public Domain

Польшча займае другое месца ў Еўрасаюзе па нізкім узроўні беспрацоўя. Звесткі, апублікаваныя статыстычным бюро «Еўрастат», сведчаць пра тое, што ў верасні 2,8 працэнта грамадзянаў Польшчы былі беспрацоўнымі.

Гэтыя дадзеныя адрозніваюцца ад дадзеных польскага Галоўнага статыстычнага ўпраўлення, бо методыка падліку, якую выкарыстоўвае Еўрасаюз, іншая. Паводле Галоўнага статыстычнага ўпраўлення, у верасні беспрацоўе ў Польшчы склала 5 працэнтаў. Тэму працягвае карэспандэнтка Польскага радыё Бэата Пламэцка:

- Паводле «Еўрастат», самая лепшая сітуацыя па беспрацоўі ў ЕС фіксуецца ў Чэхіі, дзе без працы заставаліся 2,7 працэнта грамадзян. На другім месцы разам з Польшчай апынулася Мальта з беспрацоўем на 0,1 працэнта вышэйшым. На трэцім месцы апынулася Германія, дзе беспрацоўе складае 3 працэнты. Паводле «Еўрастат» беспрацоўе ў Польшчы ўтрымліваецца на нязменным узроўні некалькі апошніх месяцаў, а ў параўнанні з вераснем мінулага года знізілася на 0,2 працэнта. Найгорш у Еўрасаюзе сітуацыя выглядае ў Іспаніі, дзе ў верасні беспрацоўе склала 12 працэнтаў, а таксама ў Грэцыі – 10 працэнтаў. Сярэдняя па Еўрасаюзе – гэта 6 працэнтаў, то бок больш за 13 мільёнаў беспрацоўных. У сваю чаргу ў еўразоне беспрацоўе ў верасні вырасла на 0,5 працэнта.

IAR/аз