Спецыяліст па ЗША, выкладчык варшаўскага Універсітэту імя кардынала Стэфана Вышынскага доктар Войцех Квяткоўскі сказаў, што спроба забойства Дональда Трампа павялічыць яго шанцы стаць прэзідэнтам Злучаных Штатаў. Падчас мітынгу кандыдата ў прэзідэнты ад Рэспубліканскай партыі паранілі ў вуха.
Навуковец сказаў на Польскім радыё, што інцыдэнт мабілізуе тых выбаршчыкаў-рэспубліканцаў, якія не асабліва любяць Дональда Трампа. Эксперт адзначыў, што пасля замаху частка патэнцыйнага электарату Рэспубліканскай партыі можа перастаць заўважаць негатыўныя рысы кандыдата ў прэзідэнты.
- Інцыдэнт мабілізуе тых прыхільнікаў Рэспубліканскай партыі, якім не асабліва падабаецца Трамп з-за яго выказванняў і меркаванняў. Аднак, як мне здаецца, з-за замаху яны канчаткова прагаласуюць за Трампа.
Дональд Трамп знаходзіцца ў добрым стане. У камандзе палітыка пацвердзілі, што агульнаамерыканскі з'езд Рэспубліканскай партыі ў Мілуокі адбудзецца ў запланаваным парадку. На зʼездзе, які пачнецца ў панядзелак і працягнецца да чацвярга, Дональд Трамп мае быць афіцыйна абраны кандыдатам ад рэспубліканцаў на прэзідэнцкіх выбарах 5 лістапада.
вс
