Невядомы лёс сірыйскага дыктатара Башара Асада, які, паводле мясцовых крыніц, каля поўначы пакінуў Дамаск, вылецеўшы на самалёце ў невядомым кірунку. Прэм'ер-міністр Махамад Газі аль-Джалалі заявіў, што яго апошні кантакт з Асадам быў мінулай ноччу, як і яго апошні кантакт з міністрам абароны. Месцазнаходжанне былых кіраўнікоў Сірыі на дадзены момант невядомае.
Ёсць звесткі, што Башар Асад прыляцеў у Расію, якая здаўна падтрымлівала яго рэжым.
Таксама ў сірыйскіх сацыяльных сетках з'явілася не пацверджаная інфармацыя аб катастрофе самалёта расійскай вытворчасці Іл-76 з Асадам на борце. Ёсць звесткі, што машыну збілі каля горада Хомс.
Егіпецкі журналіст і пісьменнік Халед Махмуэд напісаў на сайце X, што самалёт раптоўна знізіў палёт, а потым знік з радараў. Ён прыклаў запіс з Fligtradar, які адсочвае палёты самалётаў.
Сайт Еўрамайдана таксама паведаміў, што, верагодна, разбіўся самалёт, на борце якога знаходзіўся Асад. «Іл-76 знік з радараў пад Хомсам, дзе быў зафіксаваны магутны выбух. Самалёт пачаў імкліва зніжацца, перш чым знік з радараў», — напісана ў Telegram.
IAR/нг