Дакументальную стужку «Маладая Беларусь» можна глядзець на платформе Player

Фільм распавядае пра досвед маладых беларусаў, вымушаных уцякаць з краіны пасля жорсткага падаўлення пратэстаў у выніку сфальсіфікаваных Аляксандрам Лукашэнкам выбараў 2020 году.

Кадр з фільму

.

Фільм «Маладая Беларусь» з'явіўся на фестывалі дакументальнага кіно «Watch Docs». Гэта гісторыя двух мужчын, якія з-за шматлікіх палітычных пераследаў пакідаюць сваю краіну. – Мы паглядзелі на жыццё маладых беларусаў у Польшчы, тых, хто ўцёк з краіны пад рэжымам Лукашэнкі. Іх жыццё крыху разыходзіцца, з аднаго боку, яны павінны нанова ладзіць сваё жыццё ў Польшчы, з другога боку, яны павінны змагацца за незалежнасць сваёй радзімы, што вельмі цяжка, таму што яны робяць гэта тут, – гаворыць рэжысёр фільма Лукаш Ручыньскі.

Фільм, які паказвае траўматычныя ўспаміны пра рэпрэсіі, барацьбу з сістэмай і тугу па звычайным жыцці, даступны на Player.pl з 6 студзеня.

ав