Польшча заняла 32-е месца ў новым Індэксе адказнага развіцця, падрыхтаваным Польскім эканамічным інстытутам.
Індэкс - гэта альтэрнатыва паказчыку ВУП, які звычайна выкарыстоўваецца ў якасці меры эканамічнага развіцця. Ён улічвае, між іншым, узровень бяспекі, няроўнасць даходаў, а таксама забруджванне навакольнага асяроддзя.
Як кажа Якуб Савульскі(Jakub Sawulski) з Польскага эканамічнага інстытута, паказчык ВУП скажае рэальны ўзровень жыцця. У якасці прыкладу ён прыводзіць краіны з высокім ВУП, на які ўплываюць энергетычныя рэсурсы, або той факт, што яны з'яўляюцца афшорнымі зонамі.
Польшча заняла ў індэксе 32-е месца і выдатна выпала на фоне краін Вышаградскай групы.
Краіна атрымала шмат балаў у катэгорыі так званага бягучага дабрабыту, а таксама за невялікія няроўнасці даходаў. Высока ацэненая была таксама бяспека і падзенне колькасці забойстваў. З іншага боку, на месца Польшчы ў індэксе адмоўна паўплывалі адносна невялікія выдаткі на даследаванні.
Аўтары дакладу адзначаюць, што адказнасць за клімат павінна быць адным з прыярытэтаў развіцця дзяржавы. Таму індэкс бярэ пад увагу кантроль за выкідамі парніковых газаў.
аз