Робаты могуць лепш за людзей выяўляць прычыны псіхічных і эмацыйных праблем у дзяцей, заявілі даследчыкі падчас Міжнароднай канферэнцыі па інтэрактыўнай камунікацыі робатаў і людзей, якая адбылася ў Неапалі. Праца робата можа дапоўніць традыцыйную тэрапію і дыягностыку, падкрэсліваюць даследчыкі.
Група псіхіятраў і спецыялістаў па робататэхніцы з Кембрыджскага ўніверсітэта назірала за ўзаемадзеяннем 28 дзяцей ва ўзросце ад 8 да 13 гадоў з чалавекападобным робатам. Кожнае дзіця правяло сам-насам з робатам па 45 хвілін. Робат задаваў ім пытанні, каб праверыць іх псіхічны і эмацыйны стан.
Даследчыкі заўважылі, што ў дзяцей, якія не мелі псіхаэмацыйных праблем «размова» з робатам прывяла да больш станоўчых адказаў на пытанні. У сваю чаргу дзеці, якія змагаліся з праблемамі, станавіліся больш адкрытымі і часцей гаварылі пра складаныя сітуацыі.
«Дзеці могуць успрымаць робата, у якасці даверанай асобы – не адчуваюць пагрозы з-за таго, што выяўляюць яму свае сакрэты. Напрыклад, што ў школе над імі здзекваюцца», – кажа аўтарка даследавання Ніда Ітрат Абасі.
Адначасова эксперты падкрэсліваюць, што хоць робаты і аказваюцца карыснымі ў псіхалагічнай дыягностыцы, то яны не ўстане замяніць чалавека.
«Гэтыя даследаванні паказваюць, што робат можа быць карысным, калі мы хочам, каб дзіця больш адкрываўся і падзялялася менш камфортным вопытам», – падкрэсліваюць навукоўцы.
PAP/аз