Самы дарагі спосаб абагравання дома пасля мазута - прыродны газ, а самы танны - цеплавая помпа.
Карыстанне старымі вугальнымі катламі і катламі на дровах абыходзіцца дорага. Абаграванне катламі на экапаліве, як пялеты, эканамічна выгадна. Такі вынік аналізу арганізацыі Polski Alert Smogowy, які падлічыў выдаткі на абагрэў дамоў з улікам новых у Польшчы тарыфаў на электраэнэргію і газ.
Арганізацыя выкарыстоўвала, сярод іншага, справаздачу аб цэнах на цвёрдае паліва, апублікаваную ў гэтым месяцы. Грунтуючыся на гэтых дадзеных і новых цэнах на электрычнасць і газ, Polski Alert Smogowy праверыў гадавы кошт абагравання аднасямейнага дома. Прэсавы сакратар арганізацыі Пётр Сяргей расказаў колькі каштуе абагрэў тыповага дома плошчай 150 квадратных мeтраў і сярэдняй ступені ўцяплення, у якім жывуць чатыры чалавекі.
- Абаграванне газавым катлом каштуе ў сярэднім 9,5 тысячы злотых (2 220 еўра) у год. Найбольш танна абыходзіцца абагрэў з выкарыстаннем грунтавой цеплавой помпы і цёплай падлогі - 4,6 тысячы злотых (амаль 1 100 еўра) у год. Абаграванне вуглявым катлом старога тыпу таксама каштуе дорага - 7,6 тысячы злотых (1 780 еўра) у год, а з выкарыстаннем вугальнага катла новага пакалення абагрэў абыходзіцца ў 6 тысяч злотых (1 400 еўра).
Пётр Сяргей дадаў, што арганізацыя прааналізавала цэны на газавае абаграванне, таму што ў Польшчы ім карыстаецца каля 30% уладальнікаў аднасямейных дамоў, і параўнала гэта з коштамі пры карыстанні цеплавых помпаў.
- Пасля росту цаны на газ кошт абагрэў павялічыўся прыблізна на 20%. Кошт абагравання цеплавымі помпамі, нягледзячы на рост цаны электраэнергіі, неабходнай для працы помпы, зменшыўся на 10%.
Кошты на абаграванне ўлічваюць апошнія тарыфы на электраэнергію і газ, якія былі агучаныя з ліпеня 2024 г. Цэны на вугаль, пялеты і драўніну, узятыя са справаздачы Інстытута вывучэння рынку і грамадскай думкі ад 9-11 ліпеня 2024 г.. Справаздача ўключае цэны з 32 вугальных складоў ва ўсіх ваяводствах. Цэны на пялеты Polski Alert Smogowy дадаткова праверыў у найбольш папулярных гандлёвых сетках і інтэрнэт-распродажах.
яс/IAR
Эфірны выпуск перадачы ў далучаным файле
