Першы польскі гібрыдны цягнік Impuls 2, абсталяваны суперкандэнсатарам, быў прадстаўлены на найбуйнейшай у свеце міжнароднай транспартнай выставе InnoTrans 2022 у Берліне.
Цягнік з інавацыйным назапашвальнікам энергіі вырабіла польская кампанія NEWAG, якая спецыялізуецца на вытворчасці і мадэрнізацыі рухомага саставу. Цягнік можа выкарыстоўваць электрычны рухавік або рухавік унутранага згарання.
Суперкандэнсатар, якім абсталяваны цягнік, дзейнічае як вялізная батарэя, якая зараджаецца падчас тармажэння транспартнага сродку.
«Энергія, назапашаная ў рэзервуары, дазваляе транспартнаму сродку рушыць з хуткасці 50 км / г і пераехаць адлегласць да 500 метраў. Гэта дазваляе істотна знізіць шум падчас прыпынку і ад'езду са станцыі, і, перш за ўсё, паменшыць расход паліва і выкіды шкодных рэчываў у атмасферу», – заяўляюць вытворцы.
IAR/яс