Са студзеня мінулага года па ліпень бягучага года Польшча экспартавала рэкордную колькасць збожжа – 16,8 мільёна тон. Толькі за першыя 7 месяцаў бягучага года з краіны было экспартавана 7,7 мільёна тон збожжавых, што на 57 працэнтаў больш, чым у мінулым годзе, паведаміў кіраўнік Нацыянальнага цэнтра падтрымкі сельскай гаспадаркі Марцін Вроньскі.
«За гэты час мы зафіксавалі павелічэнне імпарту збожжа ў краіну, у асноўным з Украіны, але сальда гандлю збожжам станоўчае, экспарт у некалькі разоў перавышае імпарт», – падкрэсліў Вроньскі. Ён дадаў, што ў выніку парушэння ланцужкоў паставак збожжа, выкліканага пачаткам расійскай вайны, цэны на збожжа на сусветным рынку ў 2022 годзе значна выраслі, што прывяло да зніжэння попыту на збожжа на міжнародных рынках. Гэта, у сваю чаргу, прывяло да ўзмацнення канкурэнцыі на сусветным рынку і лішку збожжа ў краіне. На сітуацыю таксама паўплываў прыток збожжа з Украіны ў Польшчу.
За сем месяцаў 2023 года Польшча экспартавала 7,7 млн тон збожжавых, то бок на 57 працэнты больш, чым у папярэднім годзе. У тым ліку, 53 працэнты экспарту складала пшаніца (4,1 млн. т), а 35 працэнтаў кукуруза (2,7 млн т).
Аб'ём экспарту пшаніцы ў параўнанні з аналагічным перыядам мінулага года павялічыўся больш чым у два разы, а кукурузы вырас на 15 працэнтаў. Толькі ў ліпені 2023 года з Польшчы было экспартавана 1,1 млн тон збожжавых. Гэта было на 17 працэнтаў больш, чым год таму.
Паводле звестак Нацыянальнага цэнтра падтрымкі сельскай гаспадаркі, за сем месяцаў 2023 года 60 працэнтаў збожжа было экспартавана ў Германію (2,6 млн. тон) і Нідэрланды (амаль 950 тыс. тон). 40 працэнтаў – у краіны, якія не ўваходзяць у ЕС – найбольш у Нігерыю (850 тыс. тон) і ПАР (562 тыс. тон).
Вроньскі адзначыў, што ў бліжэйшыя месяцы на абʼём экспарту збожжа з Польшчы можа паўплываць адносна вялікі экспарт збожжавых з Расіі і Украіны, а таксама з ЗША, Канады і Бразіліі.
PAP/аз